Covid-19, дайн зэрэг асуудлын дараа дэлхийн эдийн засгийн дараагийн том асуудал цаг уурын “El Nino” (La Nina) үзэгдэл байж магадгүй байна. Дөрөв орчим жилийн дараа дахин болж буй энэ үзэгдэл цаг уурын шилжилт нь эдийн засгийн өсөлтөөрөө дэлхийд тэргүүлэгч орнуудад илүү хүндхэн тусахаар байгаа аж.

Далайн гадаргуугийн усны температур хэлбэлзэх үзэгдэл зургаадугаар сард эхэлснээр 12 дугаар сард болон ирэх оны нэгдүгээр сард оргилдоо хүрэх төлөвтэй байна.

“El Nino”-ийн нөлөөгөөр Америк тивийн Номхон далайн эргээр хүчтэй аадар бороо голлон ордог бол Австрали, Индонез, Филиппин, Бразилын умард хэсгээр хуурай цаг агаар залгадаг. Хамгийн сүүлд энэ үзэгдлийн нөлөөгөөр Кот-д'Ивуарын какаоны үйлдвэрлэлийн гарц, Тайландын будааны ургац, Индонезын кофены гарц буурч байсан аж. Харин Австрали, Өмнөд Африкт ойн түймэр нэмэгдэж байжээ.