“Nvidia” компанийн хувьцааны ханш мягмар гарагт Нью-Йоркийн биржид 4.7 хувиар буурснаар сүүлийн хоёр сарын хамгийн өндөр дүнгээр унасан үзүүлэлт боллоо.

АНУ-ын Засгийн газар өндөр технологийн чипийг БНХАУ-ын зах зээлд нэвтрүүлэхгүй байх талд үргэлжлэн анхаарч, чипийн борлуулалтыг хязгаарлах алхмуудаа нэмэгдүүлсэн нь энэхүү уналтад нөлөөлсөн байна.

“Nvidia” компанийн хувьд шинэ зохицуулалт нь богино хугацаанд санхүүгийн хохирол учруулахгүй ч бүтээгдэхүүний хөгжилд саад болж, бусад хүндрэл дагуулж болзошгүйг анхааруулсан юм.

Шинэ зохицуулалтад “Nvidia” компанийн өрсөлдөгч хиймэл оюуны чип үйлдвэрлэгч БНХАУ-ын хоёр компани руу экспорт хийх хязгаарлалт мөн багтжээ. Ингэснээр эдгээр компаниудад нийлүүлэлт хийхээсээ өмнө компаниуд АНУ-ын Засгийн газраас лиценз авах шаардлагатай болж байгаа юм. Энэхүү зохицуулалт нь БНХАУ-д цэргийн хэрэглээний хамгийн сүүлийн үеийн технологи нэвтрэхээс урьдчилан сэргийлэх зорилготой аж.

“Nvidia” компанийн хамгийн том чипийн зах зээл болох БНХАУ-д экспортлох зорилгоор бүтээсэн “A800” болон “H800” чипнүүдэд илүү хатуу хяналт тавина гэж АНУ-ын Засгийн газар мэдээлжээ.