АНУ-ын инфляцын түвшин өндөр хэвээр байх төлөвтэй байгаачлан Холбооны Нөөцийн банк мөнгөний бодлогоо чангаруулснаар ам.долларын ханш болон тус улсын Засгийн газрын бондын өгөөж өсөх төлөвтэй байгааг “Acadian Asset Management”-ийн шинжээч Клиффон Хилл  мэдээллээ.

Аравдугаар сарын 31-нээс 11 дүгээр сарын нэгний өдрүүдэд болох ээлжит хуралдаанаар АНУ-ын Төв банк мөнгөний хатуу бодлогыг үргэлжлүүлэх дохио зах зээлд өгөхөөр байна. Ингэснээр ам.долларын ханш австрали доллар, шинэ зеланд болон канад доллар, мөн иен зэрэг дийлэнх валютын эсрэг нэмж тав орчим хувиар чангарна гэж шинжээч Клиффон Хилл онцолжээ.

Холбооны Нөөцийн банк инфляцыг хазаарлахад хангалттай арга хэмжээ авсан гэж “Morgan Stanley”-ийн шинжээчид үзэж байгаа аж.

“Acadian Asset Management”-ийн шинжээч Клиффон Хилл хоёрдугаар сард "Иений ханш сүүлийн 32 жилийн доод түвшинд хүрч, унана" гэсэн таамаг дэвшүүлж байсантай таарч байгаа юм.

Сүүлийн байдлаар ам.долларын ханш иен болон юанийн эсрэг эргэн сэргэсэн дүр зурагтай байна.