2023 онд алтны хайгуулын төсөв 1.1 тэрбум ам.доллароор буурсан ч нийт уул уурхайн хайгуулын 46 хувийг эзэлж байгааг “S&P Global Market Intelligence”-ийн шинэ судалгаа харуулж байна.

Энэ онд шинэ орд илрүүлэх буюу өргөтгөхөд хөрөнгө хуваарилсан компаниудын төсөв гурван хувиар буурч, 12.8 тэрбум ам.доллар болсон нь 2020 оноос хойш анх удаа буурсан үзүүлэлт боллоо.

Харин лити, никель зэрэг цэнэг хураагуурын үйлдвэрлэлд ашигладаг металлууд болон уран, газрын ховор элементүүдийн хайгуулын зардал эрчимтэй нэмэгдэж байгаа ажээ. Хэдий тийм боловч алтны хайгуулын хөрөнгө оруулалт дийлэнх хувийг эзэлсэн хэвээр байгаа нь ногоон эрчим хүчний шилжилтэд ашиглагдах металлууд руу орох санхүүжилт хангалттай биш байгааг харуулж байна.