Дэлхийн эдийн засгийн удаашрал, Сар шинийн баярын амралт тохиосноор Японы аж үйлдвэрийн салбарын үйлдвэрлэл сүүлийн гурван сард анх удаа буурлаа.

Тодруулбал: нэгдүгээр сард тус улсын үйлдвэрлэлийн гарц өмнөх сараас 4.6 хувиар буурсныг Аж үйлдвэрийн яам нь мэдээлэв. Автомашин, автомашины эд анги, хагас дамжуулагчийн үйлдвэрлэл хамгийн өндөр дүнгээр буурсан байна.

Энэ нь олон улсад эрэлт буураад зогсохгүй, Ази даяар Сар шинийн баярын амралт тохиосонтой холбоотой аж. Хэдий тийм боловч Японы жижиглэн худалдааны борлуулалт хүлээлтийг давж 1.9 хувиар өссөн байна.

Энэхүү статистик үзүүлэлтүүд Японы Төв банкны дараагийн тэргүүнд сорилт болохоор байгааг шинжээчид онцолж байгаа юм.