“Rio Tinto” компани III улирлын үйлдвэрлэлийн тайлангаа танилцуулсны дараа хувьцааны ханш нь есдүгээр сарын 15-наас хойших дээд хэмжээгээр буюу гурав орчим хувиар өслөө.

“Rio Tinto” компанийн зэсийн үйлдвэрлэл III улиралд шинжээчдийн таамгаас давсан ч өнгөрсөн оны мөн үетэй харьцуулахад 37 хувиар бага байна. Харин нийт металлын гарц нь өнгөрсөн оны мөн үеэс 12 хувиар өсжээ.

Үйл ажиллагааны хувьд гол шинэчлэлүүдээс харвал “Оюу Толгой" компани өндөр чанарын зэсийн гүний уурхайн үйл ажиллагаа идэвхтэй сэргэж байгааг тодотгож байна.