“iPhone” гар утас угсрагч компаниуд БНХАУ-д үүсээд буй нийлүүлэлтийн сүлжээний асуудлыг шийдвэрлэх гарц хайснаар БНЭУ, Вьетнам улс “Apple” компанийн үйлдвэрлэлийн дараагийн гол төвүүд болох төлөвтэй байна. Одоогоор үйлдвэрлэл БНХАУ-д төвлөрч буй ч геополитикийн асуудал болон COVID-19-ийн халдварын тархалттай холбоотойгоор нийлүүлэлтийн тасалдал үүсээд байгаа юм.

Үйлдвэрлэгчид улс орнуудын татаасны бодлогод тулгуурлан, хүчин чадлаа дэлхийн дахинд нэмэгдүүлэхийг зорьж байна гэж “Counterpoint Research”-ийн судлаачид мэдэгджээ. Ингэснээр “Apple”-ийн гол түнш компани болох “Hon Hai Precision Industry” хүчин чадлынхаа 30 орчим хувийг Азийн бусад орнууд болон Бразил руу шилжүүлнэ гэж үзэж байна.