“Huawei Technologies” чипийн үйлдвэрүүдээ өргөжүүлэхээр зорьж буй энэ үед Тайванийн технологийн компаниуд дэд бүтцийн бүтээн байгуулалтын асуудалд нь туслалцаа үзүүлж байна.

АНУ болон БНХАУ хоорондын технологийн салбарын өрсөлдөөн ширүүсэж байгаатай зэрэгцэн Тайванийн талаас Эх газрын Хятадын чип үйлдвэрлэлийн салбарт дэмжлэг үзүүлж байгаа нь барууны хэвлэлийнхний анхаарлыг татаж байгаа юм. Тухайлбал: Тайванийн чипийн түүхий эд нийлүүлэгч “Topco Scientific” болон “L&K Engineering”-ийн охин компаниуд үйл ажиллагаанд нь оролцож байгааг ойрын эх сурвалж мэдээлжээ.

Үүнээс гадна “Cica-Huntek Chemical Technology Taiwan” компани АНУ-ын “Хар жагсаалт”-д орсон БНХАУ-ын чип үйлдвэрлэгч “Shenzhen Pensun Technology” болон “Pengxinwei IC Manufacturing” компанитай хамтран ажиллах гэрээ байгуулсныг мэдээлсэн байна.