“Meta” компани “OpenAI”-ийн хиймэл оюуны технологитой дүйцэхүйц хүчирхэг хиймэл оюуны систем хөгжүүлж байгаа талаар “Wall Street Journal” мэдээллээ. “Meta” шинэ хиймэл оюуны технологио ирэх онд бэлэн болгох төлөвлөгөөтэй байна.

Энэ нь тус компанийн “Llama” хэмээх арилжааны зориулалттай хиймэл оюуны хэлний моделиос хэд дахин илүү хүчирхэг байхаар байгаа аж.

Түүнчлэн компаниудад чанартай сайн бичвэр зохиож, дүн шинжилгээ  хийхэд нь туслах зориулалттай юм байна.

“Meta” компани “ChatGPT”, “Bard” нартай өрсөлдөх “Llama” хоёр хэлний моделио өнгөрсөн долоодугаар сард танилцуулж байсан юм.