“SoftBank” компани хиймэл оюуны чиглэлд үйл ажиллагаагаа явуулдаг компаниудад хөрөнгө оруулж, салбартаа олон арван тэрбум ам.долларын хөрөнгө оруулалт хийхээр төлөвлөж байгааг “Financial Times” мэдээллээ. Тухайлбал: тус компани “OpenAI”-тай стратегийн түншлэл байгуулах, эсвэл хөрөнгө оруулалт хийх талаар бодолцож үзэж байгааг “SoftBank”-ийн үүсгэн байгуулагч Масаёши Соны ойрын эх сурвалж мэдээлжээ.

Мөн “SoftBank” групп Их Британийн хиймэл оюуны чип үйлдвэрлэгч “Graphcore”-ийг худалдан авах эхний саналаа тавьсан гэсэн байна. Харин “Graphcore” компани “SoftBank”-аас ямар нэг санал хүлээн аваагүй хэмээн  дээрх мэдээллийг няцаагаад байгаа аж.