“Apple” корпорацид бүтээгдэхүүний эд анги нийлүүлэгч “LG Display” компани ирэх гурван жилийн хугацаанд 10 их наяд вонын хөрөнгө оруулалт хийснээр шинэчилсэн дэлгэц үйлдвэрлэж, бизнесийн өсөлтийг хурдасган, өрсөлдөөний давуу тал олж авах төлөвлөгөөтэй байна.Тус компани даваа гарагт хийсэн мэдэгдэлдээ хөрөнгө оруулалтын дийлэнхийг OLED дэлгэц хөгжүүлэлт, үйлдвэрлэлд төвлөрүүлнэ гэдгээ мэдэгджээ. Дэлхийн хамгийн том дэлгэц үйлдвэрлэгч “LG Display” нугалдаг дэлгэц, зүүж хэрэглэдэг төхөөрөмж, автомашин, телевизийн салбарын өсөлтөд тулгуурлаж орлогоо нэмэгдүүлэх төлөвлөгөөтэй байгаа юм. Шинжээчдийн тооцооллоор 2022 он гэхэд OLED дэлгэцийн зах зээл өнгөрсөн оны 8.7 тэрбум ам.доллараас гурав дахин нэмэгдэж, 28.3 тэрбум ам.долларт хүрэх төлөвтэй байна.

Б.Дашням

Холбоо барих: dashnyam.b@bloombergtvmongolia.com

minjma.g@bloombergtvmongolia.com