“Ivanhoe Electric”-ийн хувьцааны ханш мягмар гарагт арилжаалагдаж эхлээд удалгүй 8.1 хувиар уналаа. Даваа гарагт тус компани IPO хийж, 169 сая ам.доллар татан төвлөрүүлсэн байна.

“Ivanhoe Electric” 14.4 сая нэгж хувьцааг тус бүрийг нь 11.75 ам.доллароор арилжжээ. Тус компани нэгж хувьцаагаа үүнээс арай өндөр үнээр буюу 12.5 ам.доллароор арилжаалахаар төлөвлөж байсан аж. Хэдий тийм боловч “Ivanhoe Electric”-ийн IPO АНУ-ын хөрөнгийн зах зээлд хийсэн тавдугаар сараас хойших хамгийн өндөр дүнтэй IPO болж байна.

Энэ онд АНУ-ын Хөрөнгийн биржүүд 4.9 тэрбум ам.доллар татан төвлөрүүлжээ. 2021 онд 102 тэрбум ам.доллар татан төвлөрүүлж байсан юм.

О.Цэнгэг | @TsengegO

Холбоо барих: tsengeg.o@bloombergtvmongolia.com

minjma.g@bloombergtvmongolia.com