“MobiCom” корпораци ирэх сарын эхээр “Apple”-ийн шинээр гаргасан “iPhone SE”-ийг худалдаанд гаргах талаар ойрын эх сурвалж мэдээллээ. Олон улсын зах зээлд энэхүү гар утасны урьдчилсан захиалга гуравдугаар сарын 24-ний өдрөөс эхэлсэн бөгөөд энэ сарын эцэст буюу ирэх пүрэв гарагт тэргүүлэгч зах зээлд худалдаанд гарах ажээ. “iPhone SE”-ийн 16 гигабайтын багтаамжтай хувилбар нь 399 ам.доллараар худалдаанд гарна гэж “Apple” мэдэгдсэн юм. Харин “MobiCom”-ийн борлуулах үнэ нэг сая нэг зуун мянган төгрөг орчим байна гэж ойрын эх сурвалж мэдээллээ. 2014 оноос эхлэн phablet буюу том дэлгэцтэй ухаалаг гар утас хийж эхэлсэн “Apple” компани 4 инчийн буюу 10 см-ийн дэлгэц бүхий “iPhone SE”-ийг даваа гарагт болсон арга хэмжээний үеэр танилцуулсан юм. Энэхүү гар утсыг 2013 онд гаргасан “iPhone 5S”-ийн биед өнгөрсөн онд худалдаанд гарсан “iPhone 6S”-ийг багтаасан хувилбар гэж нэрлэж байна.

Г.Ану

Холбоо барих: anu.g@bloombergtvmongolia.com

minjma.g@bloombergtvmongolia.com