“Apple” компанийн ухаалаг төхөөрөмжид зориулсан “iOS 9” үйлдлийн систем хэрэглэгчиддээ хүрч эхэллээ. Өнгөрсөн долоо хоногт болсон арга хэмжээний үеэр дээрх үйлдлийн системийг суулгасан “iPhone 6S” болон “iPhone 6S Plus” гар утсуудыг танилцуулсан юм. Эдгээр төхөөрөмжүүдийн програм хангамж өнөөдрөөс буюу есдүгээр сарын 17-ны өдрөөс эхлэн "Apple"-ийн төхөөрөмж хэрэглэгчдэд хүрч байна. Харин шинэ гар утаснууд ирэх долоо хоногийн баасан гарагаас худалдаанд гарах юм. Харин Монгол Улсад эдгээр утаснууд ирэх сарын дундаас эхлэн албан ёсны эрхтэйгээр худалдаалагдана гэж "Mobicom" корпорацийн дэд захирал мэдэгдсэн юм.

Түүнчлэн “iPhone” гар утастай хослон ажиллах “Apple Watch” төхөөрөмжийн үйлдлийн систем мөн өнөөдөр шинэчлэгдэн, “Watch OS 2” хэрэглэгчдэд хүрэх ёстой байсан ч саяхан системд илэрсэн согогийн улмаас “Watch OS”-ийг түр хугацаагаар хойшлуулаад байна. “Apple” компанийн Гүйцэтгэх захирал Тим Күк уг үйлдлийн системээ хэрэглэгчдэд "тун удахгүй" хүрнэ гэж мэдэгдээд байгаа юм.

Г.Ану

Холбоо барих: anu.g@bloombergtvmongolia.com

minjma.g@bloombergtvmongolia.com