ОХУ-ын газрын тосноос олсон борлуулалтын орлого энэ он гарсаар 50 хувиар өссөнийг Олон Улсын Эрчим Хүчний Агентлаг (IEA) мэдээллээ. Украины дайн эхэлснээс хойш улс орнууд ОХУ-ын газрын тосны экспортод хориг тавьсан ч ийнхүү орлого нь өссөн байна.

ОХУ 2022 онд өдөрт найман сая баррель газрын тос болон бусад газрын тосны бүтээгдэхүүн борлуулжээ. Өөрөөр хэлбэл сард ойролцоогоор 20 тэрбум ам.доллар олсон байна.

Европын Холбоо ОХУ-ын газрын тосны экспортод хориг тогтоохоор шийдсэн ч экспорт хэвийн үргэлжлэх төлөвтэй байна. Азиас БНХАУ болон БНЭУ ОХУ-ын гол худалдан авагч хэвээр байх төлөвтэй байгаа юм.

Өнөөдрийн байдлаар брент төрлийн газрын тосны үнэ 0.06 хувиар буурч, 107 ам.доллар боллоо. Харин WTI төрлийн газрын тосны үнэ 0.8 хувиар өсөж, 106 ам.долларт хэлбэлзэж байна.

Ц.Бадмаараг

Холбоо барих: badmaarag.ts@bloombergtvmongolia.com

minjma.g@bloombergtvmongolia.com