Нийгмийн даатгалын сангийн орлого 2022 оны нэгдүгээр сард 182.4 тэрбум төгрөг болсон байна. Энэ нь өмнөх оны мөн үеэс 41 тэрбум төгрөгөөр буюу 18.3 хувиар буурсныг Үндэсний статистикийн хороо мэдээллээ.

Харин зарлагын хувьд 247 тэрбум төгрөг болж, өмнөх оны мөн үеэс 24 тэрбум төгрөгөөр буюу 10.7 хувиар өссөн байна.

Нийгмийн даатгалын сангаас тэтгэвэр авагчдын тоо нэгдүгээр сард 462.6 мянга хүрсэн нь өмнөх оноос 11.2 мянгаар буюу гурван хувиар нэмэгдсэн байна. Үүний дийлэнх буюу 76.9 хувь нь өндөр настны тэтгэмж авагчид байгаа аж.

Нийт тэтгэвэр авагчдын тоо өмнөх оны мөн үеэс 2.4 хувиар өссөн байна. 2019 оны нэгдүгээр сартай харьцуулахад тэтгэвэр авагчдын тоо 292.2 мянгаар нэмэгдсэн буюу сүүлийн гурван жилд 2.7 дахин өссөн үзүүлэлттэй байгаа юм.

Харин даатгалын хураамжийн орлого 2021 онд 243.3 тэрбум төгрөг хүрсэн байна. Энэ нь өмнөх оноос 20.8 хувиар өссөн үзүүлэлт боллоо. Өнгөрсөн онд даатгалын нөхөн төлбөрт 68.9 тэрбум төгрөг олгосон нь өмнөх оны мөн үеэс 15.2 хувиар нэмэгдсэн дүн болж байгааг Үндэсний статистикийн хороо тайлагнав.

Даатгуулагчид 2021 онд 1.2 сая болж, өмнөх оноос 107.8 мянгаар буюу 9.8 хувиар өсжээ. Салбарын компаниуд даатгалд хамрагдагсдын тоо өссөн гэдгийг тодотгож байна.

Б.Энхжин

Холбоо барих: enkhjin.b@bloombergtvmongolia.com

minjma.g@bloombergtvmongolia.com