2021 онд “Huawei Technologies” компанийн цэвэр ашиг 76 хувиар өссөн байна. Тус компани БНХАУ-д үйлдвэрлэгдсэн эд ангиудыг түлхүү ашиглан, шаардлагагүй зардлуудаа танаж ажиллажээ.

Ингэснээр АНУ-ын тавьсан хориг арга хэмжээнүүдийн нөлөөг бууруулж чадсаныг санхүүгийн тайлан нь харууллаа.

Тухайлбал: 2021 онд “Huawei Technologies”-ийн цэвэр ашиг 17.8 тэрбум ам.доллар хүрсэн байна. Үүнээс гадна тус компани 9.5 тэрбум ам.долларын нэмэлт орлоготой ажиллажээ. Харин нэмэлт орлогынхоо талаар дэлгэрэнгүй тайлбарлаагүй байна.

“Huawei Technologies” өөрийн охин компани "Honor"-ийнхоо орлогыг тайландаа багтаасан эсэх нь тодорхойгүй байгааг “Reuters” мэдээллээ.

Э.Мишээлт

Холбоо барих: misheelt.e@bloombergtvmongolia.com

minjma.g@bloombergtvmongolia.com