Шинэ төрлийн “коронавирус”-ийн талаар дурдсан улс төрийн сурталчилгаа нэвтрүүлэхийг зөвшөөрнө гэдгээ “Google” компани мэдэгдлээ.

Өөрөөр хэлбэл нэгдүгээр сараас хойш хэрэгжүүлсэн бодлогоо өөрчилж байна. Учир нь энэ бодлого сонгуулийн жил улс төрийн кампанит ажилд нь саад болж байна гэж АНУ-ын зарим улс төрчид гомдол гаргажээ. “Google” нь байгалийн гамшиг, цар тахал мэт томоохон эрсдэлийг далимдуулж, ашиг олох боломжийг маркетеруудад олгохгүй байх бодлого барьдаг. Энэ дагуу тус компани эхэн үедээ шинэ төрлийн “коронавирус”-тэй холбоотой бүх сурталчилгааг платформдоо нэвтрүүлээгүй байна.

Харин “COVID-19”-ийн халдвар газар авч, улмаар эрүүл мэндийн салбарын зохицуулах байгууллагуудад нийтэд зарлан мэдээлэх буюу сурталчилгаа цацах боломж олгож эхэлжээ. Харин одоо улс төрийн сурталчилгаа орж ирэхээр байна.

Э.Анхбаяр

Холбоо барих: ankhbayar.e@bloombergtvmongolia.com

minjma.g@bloombergtvmongolia.com