“Ford Motor” компани БНСУ-ын “SK Innovation”-тай хамтран 11.4 тэрбум ам.долларыг цахилгаан автомашины цэнэг хураагуур үйлдвэрлэх төвүүд барих болон бүрэн цахилгаан “F-Series” ачааны автомашины үйлдвэрлэлд зарцуулахаар төлөвлөөд байна.

“Ford Motor” компани долоон тэрбум ам.доллар, “SK Innovation” 4.4 тэрбум ам.доллар гаргах ажээ. Энэ нь АНУ-ын автомашин үйлдвэрлэгчийн хувьд түүхэнд байгаагүй томоохон хэмжээний хөрөнгө оруулалт болж байгаа юм.

Энэхүү төсөл нь “Ford Motor”-ийн цахилгаан автомашины шилжилт хийх 30 тэрбум ам.долларын төлөвлөгөөнд багтаж байгаа аж. Дээрх компаниуд 2025 он гэхэд үйлдвэрлэлээ ашиглалтад оруулж, 11 мянган ажлын байр бий болгохоор зорьж байна.

О.Цэнгэг

Холбоо барих: tsengeg.o@bloombergtvmongolia.com

minjma.g@bloombergtvmongolia.com