Дэлхийн хэмжээнд төмрийн хүдрийн олборлолт ирэх жилүүдэд өсөхөөр байгааг “Fitch Solutions” тооцоолсон байна.

2015 онд төмрийн хүдрийн үнэ тонн нь 55 ам.доллар хүрч, 10 жилийн доод түвшинд хүрснээс хойш олборлолт нь саараад байсан юм. Төмрийн хүдрийн гарц 2022-2026 онд 2.7 хувиар өсөх төлөвтэй байгаа аж.

Сүүлийн таван жилд олборлолт нь 1.3 хувиар буураад байв. Ингэснээр гарц нь 2026 онд 2022 оны түвшнээс 361.7 сая тонноор нэмэгдэх төлөвтэй байна. Өөрөөр хэлбэл ОХУ, БНЭУ, Өмнөд Африкийн энэ оны төмрийн хүдрийн гарцыг нийлүүлсэнтэй тэнцүү дүн боллоо.

Төмрийн хүдрийн нийлүүлэлтээр дэлхийд тэргүүлэгч Бразил, Австралийн гарц нэмэгдэхээр байгаа нь үүнд голлон нөлөөлнө гэж үзэж байна. Тухайлбал: Австралийн “BHP”, “Rio Tinto”, “Fortescue” зэрэг компаниуд олборлолтод их хэмжээний хөрөнгө оруулалт хийхээр байгаа аж.

Харин Эх газрын Хятадын хувьд Австралийн импортын хамаарлаа бууруулахаар зорьж байна. Энэ утгаараа тус улсын төмрийн хүдрийн гарц ирэх 3-4 жилд өсөх төлөвтэй байгаа юм.

Ц.Бадмаараг

Холбоо барих: badmaarag.ts@bloombergtvmongolia.com

minjma.g@bloombergtvmongolia.com