Монгол болон Торонтогийн Хөрөнгийн биржид давхар бүртгэлтэй “Erdene Resource Development” компани цөөн тооны, томоохон хөрөнгө оруулагчдад хаалттай хүрээнд үнэт цаас санал болгон зургаан сая канад доллар татан төвлөрүүлэхээр зорьж байна.

Тус компани хаалттай хүрээнд нийт 20 сая ширхэг багц байршуулж, нэгжийг нь 0.30 канад доллароор санал болгожээ. Татан төвлөрүүлсэн хөрөнгөөр шинээр нээсэн “Улаан”, “Хар морь” талбайн хайгуулын ажлыг санхүүжүүлэх юм байна. Мөн “Баян хөндий” алтны төслийн хөгжүүлэлтэд зарцуулна гэж мэдэгдэлдээ дурджээ.

Хаалттай хөрөнгө оруулалтын хугацаа долоодугаар сарын 22-нд хаагдах төлөвтэй байна.

С.Өнөрсайхан | @unursaikhan_sor

Холбоо барих: unursaikhan.s@bloombergtvmongolia.com

minjma.g@bloombergtvmongolia.com