Словакийн зургаан хүний бүрэлдэхүүнтэй "Nice Architects" компани эрчим хүчний сүлжээнээс алслагдмал нутагт ч амьдрал зохиох боломж олгох авсаархан сууц бүтээжээ. “Ecocapsule” нь нар, салхины энергиэс 1.35 киловатт эрчим хүч үйлдвэрлэж дотоод эрчим хүчний хэрэглээгээ бүрэн хангах чадвартай ажээ. Мөн 6.5 метр квадрат талбайтай, нэг тонн жинтэй “Ecocapsule”-д гал тогооны цахилгаан хэрэгсэл, ариун цэврийн өрөө багтсан байна. Харьцангуй хөнгөн 1.1 тонн жинтэйгээс гадна өндөр даацын уян дугуй суулгасан тул суудлын автомашинаар чирч алс холын замыг туулах боломжтой бүтээгдсэн байна. Дээрх компанийн удирдлагын мэдээлснээр аяллын хорхойтнуудаас гадна зэвсэгт хүчин, онцгой байдлын алба зэрэг алслагдмал нутагт үүрэг гүйцэтгэдэг байгууллагууд худалдаж авах захиалга өгчээ. 90 мянган ам.долларын үнэтэй ”Ecocapsule” энэ оны сүүлээр хэрэглэгчдийн гарт очих юм байна.

Б.Дашням

Холбоо барих: dashnyam.b@bloombergtvmongolia.com

minjma.g@bloombergtvmongolia.com