Хоёрдугаар сарын 16-ны өдрийн байдлаар COVID-19-ийн халдварын 834 тохиолдол бүртгэгдсэн байна. Улсын хэмжээнд PCR шинжилгээгээр батлагдсан нийт тохиолдол 458 мянга 309 боллоо.

Харин түргэвчилсэн шинжилгээний хариуг оруулан тооцдог E-Mongolia-ийн мэдээллээр “коронавирус”-ийн халдварын батлагдсан тохиолдол өмнөх өдрөөс 2904-өөр нэмэгдэж, 891 мянга 267 болов. Сүүлийн 24 цагт 12 мянга 157 хүн PCR болон түргэвчилсэн шинжилгээ өгсөн байна.

Сүүлийн нэг хоногт “коронавирус”-ийн халдварын улмаас нэг хүн нас баржээ. COVID-19-ийн нэн хүнд хэлбэрээр 2149 хүн эндээд байна.

Одоогоор “коронавирус”-ийн халдвар авсан 6520 хүн эмнэлэгт хэвтэн эмчлүүлж байгаа бол 20 мянга 637 хүн Өрхийн эмчийн хяналтад гэрээр эмчилгээ хийлгэж байгаа ажээ.

Лхагва гарагийн байдлаар дархлаа сэргээх нэмэлт дөрөв дэх тунд хүн амын 2.8 хувь буюу 92 мянга 216 хүн хамрагдаад байна.

Холбоо барих: minjma.g@bloombergtvmongolia.com