Нэгдүгээр сарын 13-ны өдрийн байдлаар COVID-19-ийн халдварын 2279 тохиолдол батлагдсаныг Эрүүл мэндийн яам мэдээлэв. Нийслэлд 1752, орон нутагт 516, зөөвөрлөгдсөн 11 тохиолдол бүртгэгдсэн байна.

Өнөөдрийн байдлаар улсын хэмжээнд PCR шинжилгээгээр батлагдсан нийт тохиолдол 401 мянга 536 боллоо.

Харин түргэвчилсэн шинжилгээний хариуг оруулан тооцдог E-Mongolia-ийн мэдээллээр “коронавирус”-ийн халдварын батлагдсан тохиолдол өмнөх өдрөөс 2610-аар нэмэгдэж, 715 мянга 261 болоод байна.

Сүүлийн нэг хоногт “коронавирус”-ийн халдварын улмаас гурван хүн нас баржээ. COVID-19-ийн нэн хүнд хэлбэрээр 2079 хүн эндээд байна.

Улсын хэмжээнд COVID-19-өөр өвчилсөн 5390 хүн эмнэлэгт хэвтэн эмчлүүлж байгаагаас 856 нь хүүхдүүд байгаа аж. Харин хөнгөн хэлбэрийн оноштой 17 мянга 927 хүн Өрхийн эмчийн хяналтад гэрээр эмчлүүлж байна. Эмнэлэгт хэвтэн эмчлүүлэх хүний тоо хоногт 600-аар нэмэгдсэн бол гэрээр эмчлүүлэх хүний тоо 3573-аар нэмэгдлээ.

Пүрэв гарагийн байдлаар улсын хэмжээнд нийт хүн амын 69.7 хувь нь нэгдүгээр тунд, 66.6 хувь хоёрдугаар тунд, харин 952 мянга 901 хүн буюу нийт хүн амын 29.3 хувь нь дархлаа сэргээх нэмэлт гурав дахь тунд хамрагдаад байна.

Холбоо барих: minjma.g@bloombergtvmongolia.com