12 дугаар сарын 29-ний өдрийн байдлаар COVID-19-ийн халдварын 218 тохиолдол батлагдсан байна. Улсын хэмжээнд PCR шинжилгээгээр батлагдсан нийт тохиолдол 390 мянга 75 боллоо.

Нийслэлд COVID-19-ийн халдварын 118, орон нутагт 59, зөөвөрлөгдсөн 41 тохиолдол бүртгэгджээ. Зөөвөрлөгдсөн тохиолдлууд Турк болон Тайланд улсаар аялаад ирсэн групп аяллынхан байгааг Улсын онцгой комисс мэдээллээ. Эдгээр хүмүүсийг ХӨСҮТ-д 10 хоног эмчилж, COVID-19-ийн “Omicron” хувилбар мөн эсэхийг тогтоох гений дарааллын шинжилгээ хийх юм байна.

Улсын хэмжээнд COVID-19-өөр өвчилсөн 1775 хүн эмнэлэгт хэвтэн эмчлүүлж байгаагаас 23 хүний биеийн байдал нэн хүнд байгаа бол 195 нь хүнд, 909 нь хүндэвтэр байгаа аж. Мөн өнөөдрийн байдлаар 250 хүүхэд эмнэлэгт хэвтэн эмчлүүлж байна.

Сүүлийн нэг хоногт “коронавирус”-ийн халдварын улмаас нэг хүн нас баржээ. COVID-19-ийн нэн хүнд хэлбэрээр 2057 хүн эндээд байна.

Лхагва гарагийн байдлаар улсын хэмжээнд 908 мянга 115 хүн дархлаа сэргээх нэмэлт тунд хамрагдаад байгаа аж. Өнгөрсөн нэг хоногт 5013 хүн гурав дахь тун хийлгэжээ.

Холбоо барих: minjma.g@bloombergtvmongolia.com