Гуравдугаар сарын 29-ний өдрийн 11.00 цагийн байдлаар 575 хүнээс “коронавирус”-ийн халдвар илэрч, улсын хэмжээнд батлагдсан нийт тохиолдол 7589 боллоо.

Энэ нь нэг өдөрт хамгийн олон халдварын тохиолдол бүртгэгдсэн үзүүлэлт болж байна. Шинэ тохиолдлуудын 400 нь нийслэлд, 174 нь орон нутагт бүртгэгджээ. Мөн Франкфурт-Улаанбаатар чиглэлийн тусгай үүргийн нислэгээр ирсэн нэг иргэн халдвартай нь тогтоогдсон байна.

Дархлаажуулалтын хувьд өнөөдрийн байдлаар 279 мянга 69 иргэн “коронавирус”-ийн эсрэг вакцинд хамрагдаад байна. Ирэх сарын 10-наас “Sinopharm”-ийн, 15-наас “AstraZeneca” вакцины хоёр дахь тунгууд хийгдэж эхэлнэ. Вакцины хангамжийн хувьд дөрөвдүгээр сард нийт 900 мянган хүн тун БНХАУ-ын “Sinopharm” үйлдвэрийн вакцин хүлээн авах юм байна.

Б.Энхжин

Холбоо барих: enkhjin.b@bloombergtvmongolia.com

minjma.g@bloombergtvmongolia.com