Шинэ төрлийн “коронавирус”-ийн оношилгооны дүн худал гарах нь хүндрэл учруулж байгааг Нью-Йоркийн эмч нар онцолж байна.

АНУ-д “COVID-19”-ийн шинж тэмдэг тодорхой илэрсэн ч оношилгооны хариу нь "Сөрөг" гарсан хүний тоо маш олон байгаа юм байна. Энэ нь оношилгооны хурдыг сааруулж, тархалтын цар хүрээг бодитоор үнэлэхэд саад болж байна гэж эмч нар үзэж байгаа аж.

Үүнээс гадна халдваргүй гэж оношлогдсон өвчтөнүүд халдвар тараах эрсдэлийг нэмэгдүүлж байгааг эмч нар хэллээ. Нью-Йорк мужид хүнд шинж тэмдэг илэрсэн ч эхний шинжилгээний хариу нь "Сөрөг" гарч, хэсэг хугацааны дараа "Эерэг" гарах тохиолдол түгээмэл байгаа юм байна. Тус мужид халдвар авсан хүний тоо 174 мянга даваад байгаа ажээ.

Н.Номин-Эрдэнэ | @Nominerdene_NDN

Холбоо барих: nominerdene.n@bloombergtvmongolia.com

minjma.g@bloombergtvmongolia.com