АНУ-ын эрүүл мэндийн үйлчилгээний “Cigna” компани “Express Scripts” компанийг худалдан авах хөрөнгө босгохын тулд 20 тэрбум ам.долларын бонд гаргалаа. Энэ нь босгож байгаа санхүүжилтийн хувьд 2018 онд АНУ-д гарч байгаа хоёр дахь том хэмжээний компанийн бондод тооцогдож байна. Бондыг 10 ангиллаар гаргажээ. Үүнээс гурван тэрбум ам.долларын бонд нь 1.87 хувийн өгөөжтэй, 30 жилийн хугацаатай байх юм байна. “Cigna” компани өнгөрсөн гуравдугаар сард “Express Scripts” компанийг 54 тэрбум ам.доллараар худалдан авахаар тохиролцсон юм.

“GENEX POWER” КОМПАНИ“JEMALONG” НАРНЫ ЭРЧИМ ХҮЧНИЙ ТӨСЛИЙГ ЭЗЭМШИХЭЭР ХЭЛЭЛЦЭЖ БАЙНА

Австралийн эрчим хүчний “Genex Power” компани Өмнөд Уэльс дэх “Jemalong” нарны эрчим хүчний төслийг эзэмшихээр хэлэлцэж байна. Хэлцлээр дамжуулан “Genex Power” компани одоогийн нарны болон усан цахилгаан станцын хүчин чадлаа нэмэгдүүлж, сэргээгдэх эрчим хүчний салбарт тэргүүлэгч болохоор зорьж байгаа ажээ. Хэлцлийн талаарх эцсийн шийдвэр 2019 оны хоёрдугаар сард болох хоёр талын уулзалтаар гарах юм байна.

PINNACLE RENEWABLE HOLDINGS: “ALICEVILLE”-ИЙН 70 ХУВИЙГ ЭЗЭМШИНЭ

Канадын “Pinnacle Renewable Holdings” компани Алабама дахь үртсэн шахмал түлш үйлдвэрлэгч “Aliceville” үйлдвэрийн 70 хувийг эзэмшихээр төлөвлөж байна. “Aliceville”компани жилд 270 мянган тонн үртсэн шахмал түлш үйлдвэрлэх хүчин чадалтай. Хэлцлээр дамжуулан Канадын “Pinnacle Renewable Holdings” компани АНУ-ын мод үйлдвэрлэлийн салбарт үйл ажиллагаагаа тэлэхээр зорьж байгаа ажээ. Хэлцлийг ирэх аравдугаар сард багтаан эцэслэхийг зорьж байгаа юм.

С.Өлзийбуян

Холбоо барих: ulziibuyan.s@bloombergtvmongolia.com

minjma.g@bloombergtvmongolia.com