Оны эхний улиралд ухаалаг гар утасны нийлүүлэлт дэлхий даяар 11 хувиар буурсан нь цар тахлын үеэс хойших хамгийн доод үзүүлэлт болж байна.

Ухаалаг гар утасны хамгийн том зах зээл болох БНХАУ-д COVID-19-ийн халдварын тархалт эрчимжсэнээр эрэлт болон нийлүүлэлт удаашраад байгаа юм. Түүнчлэн Украины нөхцөл байдлаас шалтгаалсан инфляц зах зээлийн сэргэлтэд сөргөөр нөлөөлж байна.

I улиралд “Samsung Electronics” компани гар утасны зах зээлийн 24 хувийг бүрдүүлж, нийлүүлэлтээрээ “Apple”-ийг гүйцсэн гэж “Canalys” судалгааны байгууллага мэдээллээ.

Харин БНХАУ-ын ухаалаг гар утас үйлдвэрлэгч “Xiaomi”, “Oppo”, “Vivo” компаниудын үйлдвэрлэлийн хэмжээ өмнөх оны мөн үеэс өөрчлөгдөөгүй байна.

Б.Юмжир |@b_yumjir

Холбоо барих: yumjir.b@bloombergtvmongolia.com

minjma.g@bloombergtvmongolia.com