“BTS”-ийн менежмент хариуцдаг “Big Hit Entertainment” компанийн хувьцааны хоёрдогч зах зээлийн арилжаа энэ пүрэв гарагт Сөүлийн Хөрөнгийн биржид эхэллээ.

Нэгж хувьцааны ханш нь 270 мянган вон буюу 235 орчим ам.доллар байсан бол өдрийн дээд хязгаараар буюу 30 хувиар өссөн байна. Ингэснээр “Big Hit Entertaniment”-ийн зах зээлийн үнэлгээ 11 их наяд вон болж, “K-Pop”-ийн салбар дахь бусад гурван гол агентлагийнхаа нийт үнэлгээнээс давж гарлаа.

“Big Hit Entertainment” БНСУ-ын зах зээлд сүүлийн гурван жил дэх хамгийн томд тооцогдох IPO гаргаж, 820 сая ам.долларын хөрөнгө татсан юм.

Энэ удаагийн хувьцааны ханшийн өсөлтөөр тус агентлагийн үүсгэн байгуулагч Банг Си Хёкийн хөрөнгө 3.8 тэрбум ам.доллар хүрсэн байна. Түүний хувьд “BTS” хамтлагийн гишүүдэд компанийн хувьцаанаас тус бүр 68 мянга 385 ширхгийг өгсөн аж.

Энэ нь пүрэв гарагийн хувьцааны ханшийн өсөлтөөр тооцвол тус бүр 20 сая гаруй ам.долларын үнэлгээтэй болж байна.

Т.Элиса | @elisa_elisat

Холбоо барих: elisa.t@bloombergtvmongolia.com

minjma.g@bloombergtvmongolia.com