Их Британийн нэр хүндтэй, тансаг зэрэглэлийн автомашин үйлдвэрлэгч компаниудын хувьд 2021 он “дээд амжилт” үзүүлсэн жил боллоо.

Тухайлбал: “Bentley Motors” компани тайлант хугацаанд 14 мянга гаруй автомашин борлуулсан байна. Энэ нь өмнөх оны мөн үеэс 31 хувиар өссөн үзүүлэлт төдийгүй шинэ дээд түвшин тогтоосон дүн болж байна.

Түүнчлэн “Rolls Royce Motor” компани жилд 5500 гаруй нэгж автомашин зах зээлд борлуулсан нь өмнөх оны мөн үеэс 49 хувиар хувиар өссөн үзүүлэлт боллоо. Борлуулалтын энэхүү өсөлт нь урьд өмнө гарч байгаагүй томоохон амжилт болсон талаар тус компанийн Гүйцэтгэх захирал “Bloomberg”-т өгсөн ярилцлагадаа онцолжээ.

“Bentley”-ийн хувьд 2021 онд БНХАУ-ын зах зээлээс хамгийн өндөр орлого олсон байна. Тус улсад борлуулалт жилийн дүнгээр 40 хувиар өсөж, гол зах зээл болох АНУ-ын дараа орж байна. Харин АНУ-д борлуулалт нь 39 хувиар өсжээ. Ингэснээр дээрх хоёр зах зээл “Bentley”-ийн нийт борлуулалтын 56 хувийг бүрдүүлж байгаа аж.

О.Цэнгэг | @TsengegO

Холбоо барих: tsengeg.o@bloombergtvmongolia.com

minjma.g@bloombergtvmongolia.com