Их Британийн тансаг зэрэглэлийн автомашин үйлдвэрлэгч “Bentley” компанийн борлуулалт 2021 онд олон улсад 31 хувиар өссөн нь шинэ дээд үзүүлэлт боллоо.

Тансаг ангиллын автомашины эрэлт өндөр байгаа нь өсөлтөд голлон нөлөөлсөн талаар “Bentley”-ийн толгой компани “Volkswagen” мэдэгдлээ. “Bentley” 2020 онд 11 мянга гаруй автомашин борлуулсан бол өнгөрсөн онд 14 мянга болж өссөн байна.

АНУ-д борлуулалт нь 39 хувиар, БНХАУ-д 40 хувиар өсжээ. АНУ болон БНХАУ-ын хэрэглэгчид өнгөрсөн оны нийт борлуулалтын 60 хувийг бүрдүүлж байгааг тус компани онцоллоо.

Тансаг ангиллын SUV болох “Bentayga”-ийн эхлэх үнэ 203 мянган ам.доллар байна. “Bentayga” нь “Bentley”-ийн хувьд хамгийн өндөр борлуулалттай загвар хэвээр байгаа юм. Шинээр хосолмол хөдөлгүүртэй загвар гаргасан нь тус компанийн борлуулалтыг дэмжжээ.

О.Цэнгэг | @TsengegO

Холбоо барих: tsengeg.o@bloombergtvmongolia.com

minjma.g@bloombergtvmongolia.com