6-р сард “Apple Watch” ухаалаг бугуйн цагны борлуулалт өссөнөөр АНУ-ын зах зээл дэх энгийн бугуйн цагны борлуулалт 2008 оноос хойших доод түвшин рүү буулаа. “NPD” судалгааны байгууллагын мэдээлснээр жижиглэнгийн худалдаачид 375 сая ам.долларын цаг борлуулсан нь өнгөрсөн оны мөн үеэс даруй 11 хувиар доогуур байгаа юм.

Тус байгууллагын ахлах шинжээч хэлэхдээ "Apple Watch-ийн зах зээлд эзлэх хувь нэмэгдэх төлөвтэй байна. Ойрын жилүүдэд энгийн цаг үйлдвэрлэгчид хүндхэн бэрхшээлтэй нүүр тулна" гэсэн юм.

Түүнчлэн 1,000 ам.доллараас доогуур үнэтэй цаг үйлдвэрлэгчид хамгийн өндөр эрсдэл хүлээж магадгүй байна. Учир нь энэ ангиллын худалдан авагчид “Apple Watch”-ийг сонгох магадлал хавьгүй өндөр гэж үзжээ. Хамгийн өндөр алдагдалтай үнийн ангиллыг дурдвал 100-150 ам.долларын цагны борлуулалт 24 хувиар унажээ.

Б.Дашням

Холбоо барих: Dashnyam.B@bloombergtvmongolia.com

Anu.G@bloombergtvmongolia.com