“Spotify”, “Rdio” зэрэг хөгжмийн стримингийн аппликейшнуудтай өрсөлдөх “Apple Music” үйлчилгээ хэрэглэгчдийн гарт хүрлээ. “Apple”-ийн шинэ үйлчилгээний сарын төлбөр 9.9 ам.доллар байх бол гэр бүлийн багц нь 14.9 ам.долларын үнэтэй байх ажээ. “Apple”-ийн хэрэглэгчид “Apple Music” үйлчилгээг гурван сарын турш туршилтаар үнэгүй авах боломжтой юм байна. Мөн “Apple” ID-тай хүн бүр “Apple”-ийн радиог ямар нэгэн үнэ төлбөргүй сонсох боломжтой болохыг мэргэжилтнүүд онцолжээ. “Apple Music”-ийн дууны сан одоогоор 30 сая орчим дууны сонголттой байгаа юм. Түүнчлэн энэхүү үйлчилгээний “Connect” хэсгийн тусламжтайгаар хэрэглэгчид уран бүтээлчидтэй шууд холбогдох боломжтой юм байна. Өөрөөр хэлбэл тухайн уран бүтээлчийн контентын талаарх сэтгэгдлээ хуваалцах боломжтой болжээ.

Үүнээс гадна “Apple” компанийг хэвлэлийн таван компанитай нийлж онлайн номын үнийг шударга бусаар тогтоосон хэрэгт Нью-Йоркийн шүүх буруутгасан байна. Тодруулбал “Apple” компани зах зээлийн эрх ашгийг харгалзахгүйгээр, шударга бус үйлдэл хийсэн гэж шүүх үзжээ.

О.Анударь

Холбоо барих: anudari.o@bloombergtvmongolia.com

minjma.g@bloombergtvmongolia.com