“Apple” компани хөгжүүлэгчдийн хурлын үеэр шинэ бүтээгдэхүүн, шинэ үйлдлийн системээ танилцууллаа. Анх Стив Жобс “iPhone” утсыг гаргаж байхдаа хүмүүст ойлгоход хялбар бүтээгдэхүүнийг гаргаж байв. Харин одоо ухаалаг гар утас хүмүүсийн амьдралын нэгээхэн хэсэг болсон тул тус компани “iPhone”, ”iPad”-д илүү тохиромжтой, ойлгомжтой шинэ “iOS7” үйлдлийн системээ танилцуулжээ. “Apple” компанийн гүйцэтгэх захирал Тим Күүк шинэ үйлдлийн системээ танилцуулахдаа “хэрэглэгчдэд цоо шинэ мэдрэмж өгнө” гэдэгт итгэлтэй байгаагаа онцолсон байна. Мөн түүнчлэн энэхүү хурлын үеэр “Apple” компани “Pandora”, “Spotify” зэрэг хөгжим шууд сонсох үйлчилгээтэй төстэй “iTunes Radio” бүтээгдэхүүнийг танилцуулсан байна. Бүтээгдэхүүний гол зорилго нь салбартаа өрсөлдөгч “Rdio”, “Pandora” зэргээс давж гарах бус, харин хэрэглэгчдийг “iTunes”-ийг илүү ихээр хэрэглүүлэх,” iTunes”-ээр дамжуулан дууны борлуулалтаа сайжруулах ажээ.

Г.Ану

Холбоо барих: anu.g@bloombergtvmongolia.com

minjma.g@bloombergtvmongolia.com