“Apple” компани шинэ төрлийн "коронавирус"-ийн халдвараас сэргийлэх зорилгоор олон улсад 20 сая ширхэг амны хаалт хандивлалаа.

Мөн долоо хоногт нэг сая ширхэг нүүрний хаалт үйлдвэрлэх санаачилга хэрэгжүүлж эхэлсэн талаар тус компанийн Гүйцэтгэх захирал Тим Кук “Twitter”-ээр жиргэсэн байна. “Apple” компани өнгөрсөн долоо хоногт Цахиурын хөндийн зарим эмнэлгүүдэд нүүрний хаалт нийлүүлсэн аж. Энэхүү нүүрний хаалт нь хуванцар материалаар хийсэн бөгөөд хоёр хүрэхгүй минутад угсардаг юм байна.

Тус компани цар тахлын нөлөөгөөр жижиглэн худалдааны 500 орчим дэлгүүрээ хаагаад байгаа юм. Мөн инженер, дизайнеруудаа гэрээс нь ажиллуулж байна.

Н.Номин-Эрдэнэ | @Nominerdene_NDN

Холбоо барих: nominerdene.n@bloombergtvmongolia.com

minjma.g@bloombergtvmongolia.com