Агаарын тээврийн үйлчилгээгээрээ Азид тэргүүлдэг “AirAsia Х” компани шинээр захиалж буй “Аirbus SAS” загварын онгоцнуудаа Европ руу нислэг үйлдэхэд ашиглахаар төлөвлөж байна. Тус компани одоогоор хос хөдөлгүүртэй 25 агаарын хөлгийн захиалга өгөөд байгаа ажээ. Эдгээр онгоцны нийт өртөг зургаан тэрбум ам.доллар болсон байна. Малайзад төвтэй “AirAsia X” компани анх 2009 онд Европ руу нислэг үйлдэж байсан юм. Гэвч 2012 оны эхний хагаст нислэгүүдээ зогсоох шийдвэр гаргажээ. Учир нь хуучин онгоцнуудыг нислэгт явуулах нь үр ашиг багатай байсан гэж тус компанийн удирдлага дүгнэсэн байна. Түүнчлэн “AirAsia X” компани Европ руу нислэг үйлдэх нь “Агаарын тээврийн компаниудад хүнд тусна” гэж “Arctic Securities”-ийн шинжээч үзсэн байна. Одоогийн байдлаар Азийн зах зээлд Европын авиа компаниудаас “Norwegian Air” л нислэг үйлдэж эхлээд байгаа ажээ. 

Т.Элиса 

Холбоо барих: elisa.t@bloombergtvmongolia.com 

minjma.g@bloombergtvmongolia.com