Европын Холбоо, БНХАУ-ын эдийн засаг худалдааны дээд хэмжээний уулзалтын хүрээнд талууд "5G" технологи хөгжүүлэлтийн томоохон хэлэлцээр байгууллаа. Европын Холбоог төлөөлж Цахим эдийн засаг, нийгэм хариуцсан комиссар Гюнтер Эттингер, БНХАУ-ын талаас тас улсын Мэдээллийн технологийн сайд Миао Вей нар гарын үсэг зурсан байна. Гюнтер Эттингер "5G технологи нь дэлхийг бүхэлд нь хамарсан цахим эдийн засаг, нийгэм байгуулах төлөвлөгөөний гол багана. БНХАУ-ын талтай тохиролцсоноор 2020 онд "5G" технологийг нэвтрүүлэх төлөвлөгөө бодитоор хэрэгжих боломж бүрдэж байна" гэдгийг онцолсон юм. Шинжээчид 2020 онд интернэтийн хэрэглээ 2010 оноос 30 дахин нэмэгдэнэ гэж тооцоолж байгаа аж. "5G" нь дан ганц хурдан байгаад зогсохгүй, интернэтэд холбогдсон автомашин, ухаалаг гэрийн технологи гээд олон шинэ нээлтийг дэмжин ажиллах юм. Үүнээс өмнө Европын Холбооны удирдлага Япон, болон БНСУ-ын талтай ижил агуулгатай хэлэлцээр байгуулжээ.

Б.Дашням

Холбоо барих: dashnyam.b@bloombergtvmongolia.com

minjma.g@bloombergtvmongolia.com