Компьютерын борлуулалт буурснаар “Hewlett-Packard” компанийн 10 дугаар сараар дуусах санхүүгийн IV улирлын ашиг буурах төлөвтэй байна. Пүрэв гарагт танилцуулсан тайланд тусгаснаар тус компанийн нэгж хувьцаанд ногдох ашиг 92-98 центээр үнэлэгдэнэ гэж таамаглажээ. “Hewlett-Packard”-ийн Гүйцэтгэх захирал Мег Уитмен тус компанийг технологи хөгжүүлэлт үйлчилгээнд төвлөрсөн болон компьютер, принтер зэрэг тоног төхөөрөмжид чиглэсэн хоёр хэсэгт салгах төлөвлөгөөтэй байгаа аж. Ингэснээр зах зээлийн өөрчлөлтөд хурдан дасан зохицох боломж бүрдэнэ гэж үзжээ. Нөгөө талаас энэхүү шийдвэр нь нэгж тус бүрийг эрэлтийн хэлбэлзэлд улам мэдрэг болгох эрсдэлтэй юм. Энэ оны II улиралд компьютерийн борлуулалт 9.5 хувиар буурснаас гадна энэ онд “Hewlett-Packard”-ийн хувьцааны ханш 32 хувиар унасан байна. Эндээс харахад бизнестээ шинэ аргачлал нэвтрүүлэх зайлшгүй шаардлагатай гэж шинжээчид үзэж байгаа ажээ.

Б.Дашням

Холбоо барих: dashnyam.b@bloombergtvmongolia.com

minjma.g@bloombergtvmongolia.com