2017-2020 онд Монгол Улсын экспортын гол бүтээгдэхүүнүүдээс зэсийн үнэ 45 орчим хувиар өссөн байна.

Харин өнгөрсөн оны гуравдугаар сард цар тахлын улмаас үнэ нь огцом буурч, 4000 орчим ам.долларт хэлбэлзэж байсан юм. Түүнээс хойш үнэ нь огцом өсөөд байна.

Өнгөрсөн дөрвөн жилийн хугацаанд Монгол Улс нийт 5.6 сая орчим тонн зэсийн баяжмал экспортолжээ. Энэ нь мөнгөн дүнгээр 7.1 тэрбум ам.доллар болж байгаа юм.

2021 оны хувьд 1.4 сая тонн зэсийн баяжмал экспортолно, нэг тонн зэсийн үнэ 6500 ам.доллар гэж Сангийн яам тооцоолсон байна. Тавдугаар сарын 20-ны байдлаар 443 мянган тонн зэсийн баяжмал экспортлоод байгаа аж. Харин үнийн хувьд 1.5 дахин өсөж, нэг тонн зэсийн үнэ 10 мянган ам.доллар даваад байна.

Зэсийн үнэ ирэх 10 жилийн хугацаанд тонн тутамдаа 15 мянган ам.доллар хүрнэ гэж “Trafigura” байгууллага тооцоолсон байна. Цэвэр эрчим хүч, үйлдвэрлэлийн салбарт зэсийн хэрэглээ нэмэгдэх нь үүнд нөлөөлнө гэж тайлбарлажээ. Харин “Goldman Sachs”-ийн хувьд 2025 он гэхэд энэ түвшинд хүрнэ гэж тооцоолж байгаа аж.

Б.Батцэцэг | @battsetsegx

Холбоо барих: battsetseg.b@bloombergtvmongolia.com

minjma.g@bloombergtvmongolia.com