Өнгөрсөн сарын байдлаар Өмнөд Солонгосын үйлдвэрлэлийн гарц өмнөх жилийн мөн үеэс 1.4 хувиар агшсан талаар тус улсын Статистикийн хорооноос мэдээллээ. Ийнхүү үйлдвэрлийн гарц буурсан нь машин механизм болон газрын тос боловсруулах тоног төхөөрөмжийн тээвэрлэлт буурсантай холбоотой аж. Өмнөд Солонгосын аж үйлдвэрлэлийн гарц энэ оны хоёр болон гуравдүгаар саруудад ч агшилттай гарч байсан юм. Харин дөрөвдүгээр сард жилийн өмнөх үеэс 1.6 хувиар өсөлт үзүүлсэн нь тавдүгээр сард ч өсөлтөө хадгалах хүлээлтийг үүсгээд байжээ. Тухайлбал, “Dow Jones”-ийн эдийн засагчид тавдугаар сард Өмнөд Солонгосын үйлдвэрлэлийн гарцыг жилийн өмнөх үеэс 1.3 хувиар өснө гэж таамаглаж байсан бол өмнөх сартай харьцуулбал 0.9 хувиар өснө гэж тооцолж байсан аж. Гэвч өнгөрсөн сард Өмнөд Солонгосын үйлдвэрлэлийн гарц дөрөвдүгээр сараас 0.4 хувиар буурсан үзүүлэлттэй гарсан байна. Үүнээс гадна өнөөдөр Өмнөд Солонгосын Статистикийн хорооноос мэдээлснээр тус улсын түрүүлэгч индикатор тавдугаар сард 99.9 нэгж буюу 100 нэгжээс доош үзүүлэлттэй гарсан нь эдийн засаг сулрах төлөвтэй байгааг илтгэжээ.

Ж.Нямгэрэл

Холбоо барих: Nyamgerel.j@bloombergtvmongolia.com

Munkhjin.ts@bloombergtvmongolia.com