Энэ оны гуравдугаар улиралд Өмнөд Солонгосын дотоодын нийт бүтээгдэхүүний хэмжээ өмнөх улирлаасаа 1.1 хувиар өссөн тухай тус улсын Төв банкнаас мэдээллээ. Ингэснээр тус улсын дотоодын нийт бүтээгдэхүүний хэмжээ өнгөрсөн оны мөн үеэс 3.3 хувиар өссөн дүнтэй гарч байгаа бөгөөд энэ нь хоёрдугаар улирлын жилийн харьцуулсан дүнтэй ижил үзүүлэлт болж байгаа аж. Өнгөрсөн улиралд Өмнөд Солонгосын иргэдийн зарцуулалт нэг хувиар нэмэгдсэн байхад барилгын салбарт орж ирсэн хөрөнгө оруулалтын хэмжээ нь 3.4 хувиар тэлсэн үзүүлэлттэй гарсан байгаа. Түүнээс гадна тус улсын засгийн газрын зарцуулалт 0.1 хувиар нэмэгдсэн нь өмнөх улирлын 2.4 хувийн өсөлтөөс харьцангуй багассан үзүүлэлт болсон байна. Үүнээс гадна Өмнөд Солонгосын эдийн засгийн 50 хувийг бүрдүүлдэг экспортын хэмжээ гуравдугаар улиралд 1.3 хувиар буурсан дүнтэй гарчээ. 

Б.Энхболд 

Холбоо барих: Enkhbold.b@bloombergtvmongolia.com

Munkhjin.ts@bloombergtvmongolia.com