2022 оны эхний улирлын байдлаар Бизнес регистрийн санд бүртгэлтэй нийт аж ахуйн нэгжүүдийн 58 хувь нь үйл ажиллагаа явуулаагүй гэж Үндэсний статистикийн хороо мэдээллээ.

Оны эхний улиралд үйл ажиллагаа явуулаагүй аж ахуйн нэгжүүдийн эзлэх хувь цар тахлын өмнөх буюу 2019 онтой харьцуулахад есөн хувиар нэмэгдсэн байна.

I улиралд үйл ажиллагаа явуулаагүй аж ахуйн нэгжүүдийн 40 хувь нь үйл ажиллагаагаа түр зогсоосон байдалтай байгааг Үндэсний статистикийн хороо онцолж байна.

Харин үйл ажиллагаа явуулсан аж ахуйн нэгжийн тоо 2022 эхний улиралд өмнөх оны мөн үеэс 5.8 хувиар өссөн үзүүлэлттэй байгаа аж. Тухайлбал: оны эхний улиралд үйл ажиллагаа явуулсан аж ахуйн нэгжийн тоо мэдээлэл холбооны салбарт 8.1 хувиар, тээвэр болон агуулахын салбарт 7.7 хувиар өссөн байна.

Түүнчлэн оны эхний гурван сард статистикийн Бизнес регистрийн санд бүртгэлтэй аж ахуйн нэгжийн тоо 231 мянга болж, өмнөх оны мөн үеэс 12.4 хувиар нэмэгджээ.

М.Аминаа

Холбоо барих: aminaa.m@bloombergtvmongolia.com

minjma.g@bloombergtvmongolia.com