Япон улсын урсгал данс тавдугаар сард 540.7 тэрбум иен буюу 5.3 тэрбум ам.долларын ашигтай гарсан гэж Японы Сангийн яамнаас мэдээллээ. Хэдийгээр энэ удаагийн үзүүлэлтийг дөрөвдүгээр сартай харьцуулахад буурсан дүнтэй байгаа ч өмнөх оны мөн үетэй харьцуулбал урсгал дансны ашиг 58.1 хувиар өссөн байна. Үүнтэй зэрэгцэн энэ долоо хоногт болох Японы Төв банкны бодлогын ээлжит уулзалт олон улсын анхаарлын төвд байна. Төв банкны тэргүүн Харухико Куродагийн хувьд өнгөрсөн дөрөвдүгээр сард дэвшүүлсэн инфляцийг хоёр хувьд хүргэх зорилтоо хадгалсан хэвээр байх болно гэж зарим шинжээчид таамаглаж байгаа юм. Он гарснаас хойш ес орчим хувиар сулраад байгаа иенийн ханшийн хувьд тавдугаар сарын урсгал дансны мэдээлэл зарлагдаад байгаа ч одоог хүртэл харьцангуй тогтвортой арилжаалагдаж байна.

Б.Батманлай

Холбоо барих: Batmanlai.b@bloombergtvmongolia.com

Munkhjin.ts@bloombergtvmongolia.com