Япон улсын Төв банк бодлогын хүүгээ -0.1 хувьд хэвээр хадгалж, бонд худалдан авах хөтөлбөрөө хэвийн үргэлжлүүлэхээр шийдвэрлэлээ.

Харин 2014 оноос хойш анх удаа инфляцын төлөвт тохиргоо хийсэн байна. Тодруулбал: энэ оны дөрөвдүгээр сараас эхлэх 12 сарын хугацаанд инфляц 1.1 хувьд хадгалагдах төлөвтэй гэж тус улсын Төв банк тооцоолсон байна. Гурван сарын өмнө 0.9 хувь байна гэж үзэж байжээ. Өөрөөр хэлбэл дэлхийн тэргүүлэх эдийн засагтай улсуудын Төв банкнуудад тулгарч буй инфляцын дарамтын сорилт Япон улсын Төв банкны сүүлийн шийдвэрт нөлөөлсөн гэж харж болохоор байна.

Түүнчлэн Японы Төв банк гуравдугаар сараар эцэслэх санхүүгийн жилд дотоодын нийт бүтээгдэхүүн нь 2.8 хувиар өссөн байх төлөвтэй гэж өмнөх тооцооллоо бууруулсан байна. Харин ирэх санхүүгийн жилд Япон улсын эдийн засаг 3.8 хувиар тэлэх төлөвтэй гэж үзжээ.

М.Эрхэс | @ErkhesMunkhbat

Холбоо барих: erkhes.m@bloombergtvmongolia.com

minjma.g@bloombergtvmongolia.com