Японы “Toyota Motor”, “Nissan Motor” болон “Honda Motor” компаниудын цахилгаан автомашины үйлдвэрлэлд шилжих бэлтгэл дэлхийн бусад автомашин үйлдвэрлэгчидтэй харьцуулахад удаашралтай байгааг “InfluenceMap”-ийн судалгаа харууллаа.

2029 он гэхэд “Toyota Motor”-ийн дэлхий даяарх үйлдвэрлэлийн 14 хувийг л цахилгаан автомашин эзлэхээр байна. Мөн “Honda Motor” компанийн үйлдвэрлэлийн 18 хувийг, “Nissan Motor”-ийн 22 хувийг цахилгаан автомашин бүрдүүлэхээр байгаа ажээ.

Үүнтэй харьцуулахад 2029 он гэхэд БНСУ-ын “Hyundai Motor” компанийн нийт үйлдвэрлэлийн 27 хувийг цахилгаан автомашин бүрдүүлэх бол “Ford Motor”-ийн хувьд энэ үзүүлэлт 36 хувь хүрнэ гэж судалгааны байгууллага тооцоолсон байна.

О.Цэнгэг |@TsengegO

Холбоо барих: tsengeg.o@bloombergtvmongolia.com

minjma.g@bloombergtvmongolia.com