Энэ сарын эцсээр нүүрсний эрэлт сэргэсэн тохиолдолд бэлтгэлтэй байхаар БНХАУ-ын харьцангуй аж үйлдвэржсэн өмнөд мужууд нүүрсний нөөцөө нэмэгдүүлэх бэлтгэлээ базаагаад байна.

Мөн БНХАУ-ын өмнөд мужуудын дунд бүс нутгийг хамарсан аадар борооны улмаас нийлүүлэлт тасалдах вий гэсэн болгоомжлол нэмэгдэж байгаа аж. Тухайлбал: Гуандун мужийн захиргаа нүүрсний нөөцийг таван хувиар дахин нэмэгдүүлэх чиглэл өгсөн гэж орон нутгийн хэвлэл мэдээлжээ. Мөн Гуйжоу муж нүүрс худалдан авахаар тусгай төсөв гаргасан байна.

Лхагва гарагт болсон БНХАУ-ын Төрийн зөвлөлийн хуралдааны үеэр тус улсын Ерөнхий сайд Ли Көциан улсын хэмжээнд эрчим хүчний хангамжийг нэмэгдүүлэхэд дэмжлэг үзүүлэх арга хэмжээг танилцуулсан юм.

Ж.Эрдэнэчулуун | @erdenechuluunJ

Холбоо барих: erdenechuluun.j@bloombergtvmongolia.com

minjma.g@bloombergtvmongolia.com