Хоёрдугаар сарын есний өдрийн 11.00 цагийн байдлаар нийслэлд 47 хүнд “коронавирус”-ийн халдвар илэрч, улсын хэмжээнд батлагдсан нийт тохиолдол 2120 боллоо.

Тоон үзүүлэлтийг задлаад харвал Монгол Улсад халдварын эхний тохиолдол анх бүртгэгдсэнээс хойш есөн сарын дотор халдварын тоо 1000 давж байсан юм. Үүнээс хойш буюу сүүлийн нэг сар хагасын дотор дахин 1000 хүнд халдвар илэрч, өнөөдрийн байдлаар улсын хэмжээнд нийт батлагдсан тохиолдол 2000 даваад байна.

Халдвар авах хүний тоо эрчимтэй өсөн нэмэгдэж байгаа нь дотоодын буюу ялангуяа нийслэлд халдварын кластер голомтын цар хүрээ тэлж байгаатай шууд холбоотой аж. 11дүгээр сард дотоодын анхны кластер голомт бүртгэгдсэнээс хойш гурван сарын хугацаанд улсын хэмжээнд зургаан аймаг, нийслэлийн бүх дүүрэгт халдвар бүртгэгдээд байгаа юм.

Өнөөдрийн байдлаар Улаанбаатар хотод “коронавирус"-ийн халдварын 13 голомт өндөр идэвхтэй байна. Сүүлийн дөрвөн өдөр нийслэлд 192 хүнд халдвар илрээд байгаа энэ үед ойрын хавьтлын тоо нэмэгдэж, халдварын эрсдэл маш өндөр болж байгааг Эрүүл мэндийн яам тодотголоо.

Б.Энхжин

Холбоо барих: enkhjin.b@bloombergtvmongolia.com

minjma.g@bloombergtvmongolia.com