"Сонгдо" эмнэлэгт эмчлүүлж байсан хоёр иргэний PCR буюу лабораторийн шинжилгээний хариу “Сөрөг” буюу шинэ төрлийн “коронавирус”-ийн халдваргүй гарсныг Эрүүл мэндийн яам мэдээллээ.

Хоёр хүний нэг нь өндөр настан, нөгөө нь 40 гаруй насны хүн байна. Өндөр настныг хэвтэж байсан эмнэлэгт нь, харин нөгөө өвчтөнийг ХӨСҮТ-д тусгаарлажээ. Мягмар гарагт дээрх хоёр иргэнээс “COVID-19”-ийн сэжигтэй тохиолдол илэрсэн бөгөөд түргэвчилсэн оношлуураар оношлоход шинэ төрлийн “коронавирус”-ийн халдвар авсан буюу “Эерэг” гарсан юм. “Түргэвчилсэн оношлуурт Дэлхийн эрүүл мэндийн байгууллагаас гэрчилгээ олгоогүй PCR-ийн буюу лабораторийн шинжилгээний хариугаар дээрх тохиолдлыг баталгаажуулна” гэдгийг Эрүүл мэндийн яам мягмар гарагт мэдэгдсэн юм.

Одоогоор Монгол Улсад "COVID-19"-ийн халдвартай нь тогтоогдсон 30 тохиолдол бүртгэгдээд бөгөөд тав нь эдгэж, 25 нь эмчлүүлж байна.

Холбоо барих: minjma.g@bloombergtvmongolia.com