Хоёрдугаар сарын тавны өдрийн 11.00 цагийн байдлаар нийслэлд 38 хүнд “коронавирус”-ийн халдвар илэрч, нийслэлийн халдварын тохиолдол 1092 болсныг Эрүүл мэндийн яам мэдээллээ. Эдгээр нь бүгд өмнө нь батлагдсан тохиолдлын ойрын хавьтал байгаа аж.

Энэ долоо хоногийн эхний таван өдрийн байдлаар нийслэлд халдварын 145 шинэ тохиолдол бүртгэгдээд байна. Үүнийг өнгөрсөн долоо хоногийн мөн үетэй харьцуулахад хоёр дахин өссөн үзүүлэлт юм.

Нийслэлд сүүлд бүртгэгдсэн голомтууд өргөн цар хүрээг хамарч байгааг Эрүүл мэндийн яам анхааруулж байна. Тухайлбал: “Монгол шир” ХХК-ийн голомтод өргөжүүлсэн тандалт хийхэд 24 цагийн дотор долоон тохиолдол нэмэгдэж, нийт 25 тохиолдол батлагдаад байна. Үүнийг дагаад Хан-Уул дүүрэг болон Сонгинохайрхан дүүрэгт бүртгэгдсэн халдварын тохиолдол нэмэгдэж эхэлжээ.

Б.Энхжин

Холбоо барих: enkhjin.b@bloombergtvmongolia.com

minjma.g@bloombergtvmongolia.com